DOI No. : 10.528/zenodo.11063568
Art & Culture

कजरी : पपिहा कहे पियु हमसे ना कहात बा

By 2 · · 1 views

कवि - अविनाश पाण्डेय

पपिहा कहे पियु हमसे ना कहात बा

कजरी गवात बा ना!

पड़े रिमझिम फुहार, डोले अमवा क डार

केहू झुलवा झुलाए, ई जोहात बा

कजरी गवात बा ना!

बहे पुरवा झकझोर, जोहे मनवा सगरी ओर

उनके नेहिया क जागल पियास बा

कजरी गवात बा ना!

गमके माटी सोन्ह-सोन्ह, कटे रात ओन्ह-ओन्ह

सुनी सेजिया से जिया ना जुड़ात बा

कजरी गवात बा ना!

भिजते अइलें पिया मोर, बहे नयना से लोर

आज मिलल हमें बड़का सौगात बा

कजरी गवात बा ना!

विज्ञापन

← Back to news